LMA

Um LMA - Leikfélag Menntaskólans á Akureyri

LMA, leikfélag Menntaskólans á Akureyri, er eitt af elstu félögum skólans. Það er jafnframt stærsta og virkasta undirfélag Hugins. LMA hefur í áratugi sett upp árvissar leiksýningar og hafa vinsældir þess viðburðar aldrei verið meiri. Á síðasta ári setti félagið upp leikritið Lovestar, byggt á samnefndri bók eftir Andra Snæ Magnason. Leikstjóri var Einar Aðalsteinsson. LMA setti þá í fyrsta sinn upp leikrit í Hofi á Akureyri. Af öðrum viðburðum á vegum LMA ber helst að nefna árshátíðaratriði, spunanámskeið og þáttöku í Leiktu Betur, spunakeppni framhaldsskólanna.